BREAKING NEWS

Berita

Andai “Ko” Tahu


Oleh Aten Pekei
Andai "Ko" Tahu. Foto: Dok. Penulis.
Andai ko tahu…
Torang diciptakan dari satu pencipta,
Torang dilahirkan dari satu rahim,
Torang dibesarkan dari satu lingkungan,
Torang bertahan hidup di atas tempat torang ditempatkan,
Torang pasti mati dan dikuburkan di dalam tanah.

Andai ko tahu…
Torang diciptakan sekali,
Torang dilahirkan sekali,
Torang dibesarkan tra sekali,
Torang bertahan hidup tra sekali,
Torang mati dan dikuburkan sekali.

Andai ko tahu…
Torang diciptakan sama,
Torang dilahirkan beda,
Torang dibesarkan beda,
Torang bertahan hidup beda,
Torang mati dan dikuburkan beda.

Andai ko tahu…
Torang diciptakan untuk menciptakan,
Torang dilahirkan untuk melahirkan,
Torang dibesarkan untuk membesarkan,
Torang bertahan hidup untuk mempertahankan hidup,
Torang mati dan dikuburkan; kodrat ilahi dan alam untuk itu.

Andai ko tahu, hidup itu k’ras,
Antara pilihan dan perjuangan,
Antara baik dan tra baik,
Antara hidup dan mati.

Andai ko tahu ini, ko tahu,
Andai ko pura-pura tra tahu, ko lupa,
Andai ko tra tahu, ko tra tahu,
Andai ko pura-pura tahu, ko tra akan tahu sampe mati.

*) Penulis adalah pemula di Majalah Beko
Andai “Ko” Tahu Reviewed by Majalah Beko on 22.56.00 Rating: 5
All Rights Reserved by Majalah Beko ǀ Situs Berita Online Papua ©Dedicated for West Papuan Property of CV Media Beko

Hubungi Kami

Nama

Email *

Pesan *

Diberdayakan oleh Blogger.